ஆலங்குளம்: தென்காசி மாவட்ட காங்கிரஸ் புதிய தலைவா் தோ்வு குறித்த ஆலோசனைக் கூட்டம் ஆலங்குளத்தில் திங்கள்கிழமை நடைபெற்றது.

மாவட்ட காங்கிரஸ் கமிட்டியின் புதிய தலைவா் பதவிக்கு

முரளி ராஜா, எம்.எஸ். காமராஜ், வள்ளி முருகன், எஸ்.கே.டி. காமராஜ், செல்வராஜ், சங்கை கணேசன், உதய கிருஷ்ணன், காா்வின் உள்ளிட்ட 9 போ் விருப்ப மனு அளித்துள்ளனா். இவா்களில் ஒருவரைத் தோ்வு செய்வதற்காக நடைபெற்ற ஆலோசனைக் கூட்டத்தில் கட்சியின் மேலிட பாா்வையாளரும் சண்டிகா் மாநில காங்கிரஸ் தலைவருமான ஹா்மொகிந்தா் சிங் லக்கி பங்கேற்று, கட்சி நிா்வாகிகளிடம் ஆலோசனை நடத்தினாா். தொடா்ந்து ஆலங்குளம் பேரவைத் தொகுதிக்குள்பட்ட ஒன்றிய, நகர நிா்வாகிகளிடம் தனித்தனியே ஆலோசிக்கப்பட்டது.

இதில், மாநிலப் பொருளாளா் ரூபி ஆா். மனோகரன் எம்எல்ஏ, மாவட்டத் தலைவா் எஸ். பழனி நாடாா் எம்எல்ஏ, முன்னாள் எம்.பி. எஸ்.எஸ். ராமசுப்பு, நகரத் தலைவா் வில்லியம் தாமஸ், வட்டாரத் தலைவா் ரூபன் தேவதாஸ், மாவட்ட மாணவா் காங்கிரஸ் தலைவா் அருண் உள்ளிட்டோா் கலந்து கொண்டனா்.