ஐஷா் மோட்டாா்ஸ் லாபம் ரூ.526 கோடி

ஐஷா் மோட்டாா்ஸ் நிறுவனம் மாா்ச் காலாண்டில் ஒட்டுமொத்த நிகர லாபமாக ரூ.526.14 கோடியை ஈட்டியுள்ளது. இது, முந்தைய 2019-20-ஆம் நிதியாண்டின் நான்காம் காலாண்டில் ஈட்டிய லாபம் ரூ.304.28 கோடியுடன் ஒப்பிடுகையில் 73 சதவீதம் அதிகம்.

ஜனவரி-மாா்ச் காலாண்டில் நிறுவனத்தின் ஒட்டுமொத்த செயல்பாட்டு வருவாய் ரூ.2,208.18 கோடியிலிருந்து ரூ.2,940.33 கோடியாக அதிகரித்துள்ளது.

கடந்த 2020-21 முழு நிதியாண்டில் ஈட்டிய ஒட்டுமொத்த நிகர லாபம் 26 சதவீதம் குறைந்து ரூ.1,346.89 கோடியானது. இது, 2019-20-ஆம் நிதியாண்டில் ரூ.1,827.44 கோடியாக அதிகரித்து காணப்பட்டது.

ஒட்டுமொத்த வருவாய் ரூ.9,153.58 கோடியிலிருந்து ரூ.8,720.35 கோடியாக குறைந்துள்ளது.

கடந்த நிதியாண்டின் நான்காவது காலாண்டில் ராயல் என்ஃபீல்டு இருசக்கர வாகன விற்பனை 25 சதவீதம் அதிகரித்து 2,03,343-ஆக இருந்தது என ஐஷா் மோட்டாா்ஸ் பங்குச் சந்தையிடம் தெரிவித்துள்ளது.