பங்குச்சந்தை வணிகம் சரிவுடன் நிறைவு: சென்செக்ஸ் 1,170 புள்ளிகள் சரிந்தது

பங்குச்சந்தை வர்த்தகத்தில் சென்செக்ஸ் மற்றும் நிஃப்டி ஆகியவை கடும் சரிவுடன் நிறைவடைந்தது. சென்செக்ஸ் ஆயிரம் புள்ளிகளுக்கு மேல் சரிந்தது.

மும்பை பங்குச்சந்தை குறியீட்டு எண் சென்செக்ஸ் 1,170.12  புள்ளிகள் சரிந்து 58,465.89 புள்ளிகளாக வர்த்தகம் நிறைவடைந்தது. மொத்த வர்த்தகத்தில் இது 1.96 சதவிகிதம் சரிவாகும்.

படிக்க | ஏர்டெல் ப்ரிபெய்ட் கட்டணம் உயர்வு: வாடிக்கையாளர்கள் அதிர்ச்சி

இதேபோன்று தேசிய பங்குச்சந்தை குறியீட்டு எண் நிஃப்டி 323.75 புள்ளிகள் சரிந்து 17,441.05 புள்ளிகளாக வர்த்தகம் நிறைவு பெற்றது. மொத்த வர்த்தகத்தில் இது 1.82 சதவிகிதம் சரிவாகும்.

சென்செக்ஸ் பட்டியலிலுள்ள முதல் 30 தரப்பங்குகளில் 27 நிறுவனங்களின் பங்குகள் சரிவுடன் காணப்பட்டன. அதிகபட்சமாக பஜாஜ் பைனான்ஸ் 5.49 சதவிகிதமும், பஜாஜ் பின்சர்வ் 4.69 சதவிகிதமும், ரிலையன்ஸ் 4.42 சதவிகிதமும், என்டிபிசி 3.73 சதவிகிதமும் சரிந்தது.

பார்தி ஏர்டெல் 3.90 சதவிகிதமும், ஏஸியன் பெயின்ட்ஸ் 1.14 சதவிகிதமும், பவர் கிரிட் 0.99 சதவிகிதமும் உயர்வுடன் காணப்பட்டன.