பொதுத் துறையைச் சோ்ந்த மகாராஷ்டிர வங்கியின் நிகர லாபம் கடந்த மாா்ச் மாதத்துடன் நிறைவடைந்த காலாண்டில் முந்தைய நிதியாண்டின் அதே காலாண்டைப் போல் 2 மடங்குக்கும் மேலாக வளா்ச்சியடைந்துள்ளது.

இது குறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

2021-22-ஆம் நிதியாண்டின் கடைசி காலாண்டில் (2022 ஜனவரி-மாா்ச்) வங்கியின் நிகர லாபம் ரூ.355 கோடியாக இருந்தது.

இந்த நிலையில், கடந்த 2022-23-ஆம் நிதியாண்டின் அதே காலாண்டில் (2023 ஜனவரி-மாா்ச்) வங்கி ரூ.840 கோடியை நிகர லாபமாக பதிவு செய்துள்ளது. முந்தைய நிதியாண்டின் கடைசி காலாண்டோடு ஒப்பிடுகையில் இது 2 மடங்குக்கும் மேலாகும்.

அதே போல், மதிப்பீட்டு காலாண்டில் வங்கியின் மொத்த வருவாய் ரூ.3,949 கோடியிலிருந்து ரூ.5,317 கோடியாகவும், வட்டி வருவாய் ரூ.3,426 கோடியிலிருந்து ரூ.4,495 கோடியாகவும் அதிகரித்துள்ளது என்று அந்த செய்திக்குறிப்பில் தெரிவிக்கப்பட்டுள்ளது.