இந்தியாவில் ஐ-போன் 16 விற்பனை தொடக்கம்

ஆப்பிள் நிறுவனத்தின் புதிய அறிமுகமான ஐ-போன் 16 வரிசை அறிதிறன்பேசிகளின் (ஸ்மாா்ட் போன்) விற்பனை இந்தியாவில் வெள்ளிக்கிழமை (செப். 20) தொடங்கியது.

இது குறித்து நிறுவன வட்டாரங்கள் கூறியதாவது:

ஐ-போன் 16 மற்றும் 16 ப்ரோ ரக அறிதிறன்பேசிகளின் விற்பனை இந்தியாவில் வெள்ளிக்கிழமை தொடங்கியது. அவற்றில் ஐ-போன் 16 ப்ரோ ரூ.1,19,900-லிருந்தும் ஐ-போன் ப்ரோ மேக்ஸ் ரூ.1,44,900-லிருந்தும் கிடைக்கும்.ஐ-போன் ப்ரோ வரிசை அறிதிறன்பேசிகளை விரைவில் இந்தியாவிலேயே தயாரிக்க நிறுவனம் முடிவு செய்துள்ளது என்று அந்த வட்டாரங்கள் தெரிவித்தன.இந்தியச் சந்தையில் முந்தைய ரக ஐ-போன்களைவிட குறைவான விலையில் புதிய ரகத்தை ஆப்பிள் நிறுவனம் அறிமுகப்படுத்துவது இதுவே முதல்முறை என்பது குறிப்பிடத்தக்கது.ஐ-போன் 15 ப்ரோ மற்றும் ஐ-போன் 15 ப்ரோ மேக்ஸ் ரகங்களை அந்த நிறுவனம் முறையே ரூ.1,34,900 மற்றும் ரூ.1,59,900-க்கு கடந்த ஆண்டு அறிமுகப்படுத்தியது நினைவுகூரத்தக்கது.