வாடகை மினி கார்! 

சிங்கப்பூரில்  புளூஎஸ்ஜி என்ற வாடகைக் கார் ஏற்கெனவே பயன்படுத்தப்படுகிறது.  அடுத்த ஆண்டு சிங்கப்பூரில் புங்க்கோல் பகுதியில் "மினி' வாடகை கார் சேவை தொடங்கப்பட  உள்ளது.    க்யூஐக்யூ  குளோபல் என்ற நிறுவனம் தயாரித்துள்ள இந்த மினி காரில்  இருவர் மட்டுமே பயணம் செய்ய முடியும்.  2.4 மீட்டர் நீளமும், 1 மீட்டர் அகலமும் உள்ள இந்த கார்,  மின்சக்தியால் இயங்கக் கூடியது. 

7 நிமிடங்கள் இந்த காரை சார்ஜ் செய்தால் 25 கி.மீ. வரை ஓடும்.  அதிகபட்ச வேகம்,  மணிக்கு 45 கி.மீ.  இந்தக் கார் ஓட்டுநர் இல்லாமலும் கூட  தானாக இயங்கக் கூடியது.  ஜிபிஎஸ் சிஸ்டமும்,  காரில் உள்ள கேமராவும் அதற்கு உதவுகின்றன.   

இந்த மினி காரை சார்ஜ் செய்வதற்காக நகரின் பல பகுதிகளில் சார்ஜ் செய்யும் மையங்கள் தற்போது  அமைக்கப்படுகின்றன. 

இதில் அரை மணி நேரம் பயணம் செய்தால் 2 சிங்கப்பூர் டாலர் வாடகையாகத் தர வேண்டும். 

கரோனா காலத்தில் மினி வாடகைக் காரா? என்று கேட்கிறீர்களா?  இந்த மினி காரை அடிக்கடி புற ஊதாக் கதிர்களைப் பயன்படுத்தி  தூய்மைப்
படுத்தப் போகிறார்கள். பயப்படத் தேவையில்லை.