சத்தான உணவு வாழைப்பூ

வாழைப்பூவில் புரதச்சத்து, கால்சியம், பாஸ்பரஸ், பொட்டாசியம், இரும்புச்சத்து உள்ளிட்ட பல்வேறு சத்துகள் காணப்படுகின்றன. ரத்தஅழுத்தம், ரத்தசோகை போன்ற நோய்களைத் தடுக்கும் ஆற்றல் வாழைப்பூவுக்கு உண்டு. வாழைப்பூவை அடிக்கடி உணவில் சேர்த்து வந்தால் செரிமானத்தன்மை அதிகரிக்கும். ரத்தத்தில் உள்ள தேவையற்ற கொழுப்புகளைக் கரைத்து வெளியேறும் தன்மை கொண்டது. ரத்தத்தில் கலந்துள்ள அதிக அளவு சர்க்கரையை வெளியேற்ற வாழைப்பூவின் துவர்ப்புத்தன்மை அதிகம் உதவும். எனவே சர்க்கரை நோயாளிகள் இதனை அதிகம் உணவில் சேர்த்துக் கொள்வது நல்லது.