பாதுகாப்பாக பட்டாசு வெடிக்க...

காட்டன் பருத்தி ஆடைகளை  அணிந்து கொண்டு மட்டுமே  பட்டாசுகளைக் கொளுத்த வேண்டும்.

திறந்தவெளியில்  பட்டாசுகளை  வெடியுங்கள்  கூரை வெய்ந்த குடிசை  அருகில் இருந்தால் பட்டாசுகளை  கொள்ளுத்தும் போது  மிகமிக கவனமாக இருங்கள்.

பட்டாசுகளைக்  கொளுத்துவதற்கு  நீண்ட  ஊதுவத்தியை  பயன்படுத்தவும்.  தீப்பெட்டி,  மெழுவர்த்தியை  பயன்படுத்தாதீர்கள்.

 குழந்தைகள் வெடிகளை  வெடிக்கும்போது, 
எத்தனை வேலைகள் இருந்தாலும், பெரியவர்கள்  தங்களின் மேற்பார்வையில் பட்டாசுகளை  வெடிக்கச் செய்வது  நல்லது.

குழந்தைகள் சட்டை, பேண்ட்  பாக்கெட்டுகளில்  பட்டாசுகளை  அடுக்கி வைத்துக் கொண்டு   வெடி வெடிக்க  எக்காரணம்  கொண்டும்  அனுமதிக்காதீர்கள்.

பட்டாசு  வெடிக்கும்  இடத்திற்கு  அருகில்  குறைந்த பட்சம்  ஒரு பக்கெட்  தண்ணீராவது  இருக்குமாறு  பார்த்துக் கொள்ளுங்கள்.

கைக்குழந்தை  உள்ள வீட்டில்  பட்டாசுகள், வெடிகள்  வெடிக்கும்போது  குழந்தையின்  காதில் சிறிது  பஞ்சு  வைத்து  விட வேண்டும்.  இதனால்  குழந்தை  பயந்துபோய் அழாமல்  இருக்கும்.

இளைஞர்கள் செல்பேசியில் பேசிக் கொண்டே  பட்டாசுகளைக்  கொளுத்துவதை நிச்சயம் தவிர்க்கவும்.  அச்செயல்  ஆபத்தை நீங்களே  விலைக்கு  வாங்குவது போலாகிவிடும்.

சத்தமான  வெடிகள்,  நீண்ட  சரவெடிகளை  சாலையில்  கொளுத்தாமல் திறந்தவெளி  மைதானத்தில் கொளுத்துங்கள்.

புகையை  அதிகம் கிளப்பும்  பாம்பு  மாத்திரைகளை  வீட்டுக்குள்  கொளுத்த வேண்டாம்.  வீட்டில்  வயோதிகர்கள்  இருந்தால் அப்புகையால்  அவர்களுக்கு சுவாசப் பிரச்னைகள் வரக்கூடும்.

உயரமான  பாட்டில்கள், பைப்புகளை  மட்டுமே பயன்படுத்தி ராக்கெட்டை வெடியுங்கள்.  தரையில்  வைத்து வெடிப்பது  பாதசாரிகளுக்கு ஆபத்தை  விளைவிக்கும் என்பதை  மறந்து  விடாதீர்கள்.

பட்டாசு மருந்து கையோடு  குழந்தைகள்  பலகாரங்களை  சாப்பிடாதவாறு  பார்த்துக் கொள்ளுங்கள். 

குழந்தைகள் பட்டாசு வெடித்து முடித்ததும்  கட்டாயம்  ஹாண்ட் வாஷ் போட்டு கையை கழுவச்சொல்லுங்கள்.