மிகவும் ஒல்லியாக இருப்பவர்கள். கொழுப்புச் சத்து அதிகரிக்காமல் உடல் எடையைக் கூட்டுவதற்கான உணவுப் பழக்கம் இதோ: (குறைந்தபட்சம் 21 நாள்களாவது இதனை கடைபிடிக்க வேண்டும்)

*அதிகாலை, மிதமான உடற்பயிற்சிக்கு முன்னதாக ஊற வைத்து தோலுரித்த ஐந்து பாதாம் பருப்புகளை தினமும் உட்கொள்ளுங்கள்.

*அவ்வப்போது தண்ணீர் அருந்த வேண்டும். குறைந்தபட்சம் தினமும் ஒன்றரை லிட்டர் தண்ணீராவது குடிக்க வேண்டும்.

*கலவையான பழத்துண்டுகளுடன் தினம் ஒரு பயறு என அவித்த பயறு வகைகள், கொஞ்சம் முந்திரி, சர்க்கரை கலந்த திராட்சை பழரசம் எடுத்துக் கொள்ள விரைவில் உடல் எடை கூடும்.

*காலைவேளையில் மூன்று இட்லி, சர்க்கரை கலக்காத வாழைப்பழ மில்க் ஷேக், ரவா அல்லது சேமியா உப்புமா, சர்க்கரை இல்லாத பைனாப்பிள் ஜுஸ்.

*ஒரு கைப்பிடி உலர்ந்த பழங்கள் அல்லது ஒரு கப் தயிர் அல்லது அவித்த சோளம் அல்லது கொஞ்சம் சீஸ். இவற்றுள் ஏதேனும் ஒன்றை மதிய உணவுக்கு முன்னர் நண்பகலில் சாப்பிடலாம்.

*மதிய உணவுக்கு மூன்று கரண்டி சாதம், சாம்பார், தயிர் சிறிய கிண்ணம். குறைவான எண்ணெய்யில் பொரிக்கப்பட்ட உருளைக்கிழங்கு எடுத்துக் கொள்ளலாம்.

*இனிப்பான பிரெட், பால், ஃபுருட் சாலட் இவற்றில் ஏதேனும் ஒன்றை சாயங்கால ஸ்நாக்ஸ் ஆக உட்கொள்ளலாம்.

*இரவு உணவுக்கு முன்னர், காய்கறி சூப் குடிக்கலாம். நான்கு சாப்பாத்தி, காய்கறி குருமா, தயிர் அல்லது குறைவான தேங்காய் இல்லாத குருமாவுடன் மூன்று ஆப்பம்.

*அசைவ உணவு வகைகள் இரவு நேரத்தில் தவிர்ப்பது நல்லது.