பொங்கல் அன்று புதியதாகும்
பல்லோர் இல்லமே!
மஞ்சள் கிழங்கு மண்ணில் பானை
மணக்கும் பொங்கலே!
செங்க ரும்பும் செழித்த தழையும்
சிரிப்பு காட்டுமே!
எங்கும் மக்கள் வாழ்த்து சொல்லி
எழிலாய்ச் செல்வரே!
பொங்கல் தினத்தின் முன்னால் வருமே
போகிப் பண்டிகை!
எங்கள் வீட்டின் முன்னாள் எரிப்போம்
பழைய பொருளினை!
பொங்கல் அடுத்து பின்னால் வருமே
மாட்டுப் பொங்கலே!
அங்கும் இங்கும் காளை கழுத்தில்
ஒலிக்கும் மணிகளே!
பொங்க லன்று பகல வனையே
போற்றி மகிழ்வோம்!
புதிய வண்ண ஆடை யணிந்து
பெரியோரை வணங்குவோம்!