ஒரே நடிகரின் மூன்று படங்கள் ஒரே மாதத்தில் வெளியாகி, சாதனை படைத்திருக்கிறது.

இத்தகைய வியத்தகு சாதனைகளைப் படைத்தவர் எம்.ஜி.ஆர். தான்.  1966-ஆம் ஆண்டு பிப்ரவரி மாதத்தில்தான் இந்தத் திரைப்படங்கள் வெளியாகின.பிப். 4-இல் பத்மினி பிக்சர்ஸின் "நாடோடி'  என்ற திரைப்படமும், சத்யா மூவிஸின் "நான் ஆணையிட்டால்' என்ற திரைப்படமும் ஒரே நாளில் வெளியாகின. பின்னர்,  பிப்.18-இல் "முகராசி' என்ற படம் வெளியானது. 

இவற்றில் "முகராசி' நல்ல வெற்றியைப் பெற்றது. "நாடோடி' சுமாரான வெற்றியைப் பெற்றது. "நான் ஆணையிட்டால்' என்ற திரைப்படம் மட்டும் எதிர்பார்த்த வெற்றியைப் பெறவில்லை.