அமெரிக்க அதிபர் தேர்தல்: ஹிலாரி தனது கணவருடன் வாக்குப்பதிவு!

நியூயார்க்: விறுவிறுப்பாக நடைபெற்றுவரும் அமெரிக்க அதிபர் தேர்தலில் ஜனநாயக கட்சியின் சார்பில் போட்டியிடும்  ஹிலாரி கிளிண்டன் தன்னுடைய கணவர் பில் கிளிண்டனுடன் வாக்களித்தார்.

அமெரிக்க ஜனாதிபதி தேர்தல் இன்று நடக்கிறது. இதில் ஆளும் ஜனநாயக கட்சி சார்பில் ஹிலாரி கிளிண்டன் போட்டியிடுகிறார். பிரதான எதிர்க்கட்சியான குடியரசு கட்சி சார்பில் பிரபல தொழில் அதிபர் டொனால்டு டிரம்ப் போட்டியிடுகிறார்.

இதுவரை வெளியான அனைத்து கருத்து கணிப்பிலும்  ஹிலாரி கிளிண்டனே முன்னணியில் இருந்து வருகிறார். மொத்தத்தில் ஹிலாரிக்கு ஆதரவு 45.5. சதவிதமாகவும், டிரம்புக்கு 42.2 சதவிதமாகவும் உள்ளது.

தற்போது ஹிலாரி தனது கணவரம், முன்னாள் அமெரிக்க அதிபருமான ர் பில் கிளிண்டனுடன் வாக்குச்சாவடிக்கு சென்று வரிசையில் சென்று தன்னுடைய வாக்கை பதிவு செய்தார்.

அங்கிருந்த பொதுமக்களுடன் ஹிலாரி மகிழ்ச்சியுடன்பு கைப்படம் எடுத்துக் கொண்டார். பின்னர் செய்தியாளர்களிடம் பேசிய ஹிலாரி, 'தேர்தெடுக்கப்படும் பட்சத்தில் என்னால் முடிந்த சிறப்பான பணியை செய்வேன் என்று நம்புகின்றேன்' என்று தெரிவித்தார்.