நூறு ஆண்டுகளில் காணாத கனமழை: நியூ ஸிலாந்தில் கடும் வெள்ளம்

வெல்லிங்கடன்: நூறு ஆண்டுகளில் காணாத மழை நியூ ஸிலாந்தின் தெற்கு தீவில் கொட்டி வருவதால், பெரும்பாலான பகுதிகள் வெள்ளத்தில் மூழ்கியுள்ளது.

ஞாயிறன்று கொட்டத் தொடங்கிய கனமழை இன்று முழுவதும் தொடர்ந்து பெய்து வருகிறது. இரவிலும் கனமழை நீடிக்கும் என்று வானிலை ஆய்வு மையம் அறிவித்துள்ளது.

கனமழை காரணமாக அங்கு கடும் வெள்ளம் ஏற்பட்டுள்ளது. பல நூறு வீடுகளில் இருந்தவர்கள் பாதுகாப்பான இடங்களுக்கு அழைத்துச் செல்லப்பட்டுள்ளனர். பல இடங்களில் மின்சாரம் துண்டிக்கப்பட்டுள்ளது. ஆறுகளில் வெள்ளம் கரைபுரண்டு ஓடுகிறது. பல பாலங்கள் துண்டிக்கப்பட்டுள்ளன.

மீட்புப் பணிகளும் துரிதகதியில் நடைபெற்று வருகின்றன.