பிலிப்பின்ஸில் கடந்த சில நாள்களாக பெய்து வரும் கனமழையால் வெள்ளப்பெருக்கு ஏற்பட்டு, அதில் பலியானவா்களின் எண்ணிக்கை 32-ஆக உயா்ந்துள்ளது.

இது குறித்து அதிகாரிகள் வியாழக்கிழமை கூறியதாவது:

கடந்த சனிக்கிழமை முதல் பெய்து வந்த கனமழையால் நாட்டின் பல்வேறு பகுதிகள் வெள்ளத்தில் மூழ்கின. அதில் சிக்கி இதுவரை 32 போ் உயிரிழந்துள்ளனா். பலியானவா்களில் 22 போ் வடக்கே உள்ள மிண்டனாவ் பிராந்தியத்தைச் சோ்ந்தவா்கள்.

இது தவிர, வெள்ள பாதிப்பு ஏற்பட்ட பகுதிகளில் 24 போ் மாயமாகியுள்ளனா். அவா்களைத் தேடும் பணியில் மீட்புக் குழுவினா் ஈடுபட்டுள்ளனா்.

வெள்ளத்தால் மிக மோசமாக பாதிக்கப்பட்ட கிழக்கு, மத்திய மற்றும் தெற்குப் பகுதிகளில் இன்னும் 56 ஆயிரத்துக்கு மேற்பட்டவா்கள் அங்கிருந்து வெளியேற்றப்பட்டு, பாதுகாப்பு முகாம்களில் தங்கவைக்கப்பட்டுள்ளனா் என்று அதிகாரிகள் தெரிவித்தனா்.