மேற்கு ஆப்பிரிக்க நாடான புா்கினா ஃபாசோவில் நடத்தப்பட்ட சாலையோர குண்டுவெடிப்பில் பொதுமக்கள் 35 போ் பலியாகினா்.

இது குறித்து அதிகாரிகள் கூறியதாவது: பொருள்களை ஏற்றிக் கொண்டு பூா்ஸங்கா நகருக்கும் ஜிபோ நகருக்கும் இடையே ராணுவ பாதுகாப்புடன் திங்கள்கிழமை சென்று கொண்டிருந்த வாகன அணிவகுப்பை குறிவைத்து சாலையோர குண்டுவெடிப்பு நடத்தப்பட்டது.

இதில், அந்த வாகன அணிவகுப்பில் சென்றுகொண்டிருந்த பொதுமக்கள் 35 போ் பலியாகினா்; 37 போ் காயமடைந்தனா் என்று அதிகாரிகள் தெரிவித்தனா்.

இந்தத் தாக்குதலுக்கு இதுவரை எந்த அமைப்பும் பொறுப்பேற்கவில்லை. எனினும், புா்கினா ஃபாசோவில் நீண்ட காலமாக பயங்கரவாதச் செயல்களில் ஈடுபட்டு வரும் அல்-காய்தா மற்றும் இஸ்லாமிய தேச (ஐஎஸ்) ஆதரவு பயங்கரவாதக் குழுக்கள் இந்த சாலையோர குண்டுவெடிப்பை நடத்தியிருக்கலாம் என்று கருதப்படுகிறது.