தெற்கு அமெரிக்காவின் ஆர்கன்சாஸ் மாகாணத்தில் ஆயுத தொழிற்சாலையில் ஏற்பட்ட வெடிவிபத்தில் குறைந்தது இருவர் காயமுற்றதாகவும் ஒருவர் காணாமல் போனதாகவும் தெரிவிக்கப்பட்டுள்ளது.

ஆர்கன்சாஸ் தலைநகர் லிட்டில் ராக்குக்கு தெற்கில் 138 கிமீ தொலைவில் உள்ள கேம்டன் பகுதியில் அமைந்துள்ள ஜெனரல் டயானமிக்ஸ் ஆர்டனன்ஸ் தொழிற்சாலையில் இந்த வெடிவிபத்து புதன்கிழமை ஏற்பட்டதாக ஸின்ஹுவா செய்தி நிறுவனம் தெரிவித்துள்ளது.

சோதனையின்போது ஏற்பட்ட தீ என முதலில் தெரிவித்த நிறுவனம் பின்னர் விபத்து என ஒத்துக்கொண்டது.

மீட்புப் படையினர் உதவியுடன் தொழிற்சாலையில் சிக்கியவர்களை மீட்கும் பணியில் நிறுவனம் ஈடுபட்டதாகவும் இருவர் காயமுற்றதையும் ஒருவர் மாயமானதையும் உறுதி செய்து அறிக்கை வெளியிடப்பட்டுள்ளது.

வெடிவிபத்து நிகழ்ந்த தொழிற்சாலையில் உற்பத்தி நிறுத்தப்பட்டுள்ளதாக நிறுவனம் தெரிவித்துள்ளது.