கரோனா: சுதந்திர தின விழாவை காண பொதுமக்கள் வரவேண்டாம்: ராணிப்பேட்டை ஆட்சியா் வேண்டுகோள்

கரோனா நோய்த் தொற்று பரவல் தடுப்பு நடவடிக்கையாக சுதந்திர தின விழாவைக் காண பொதுமக்கள் வரவேண்டாம் என ராணிப்பேட்டை மாவட்ட ஆட்சியா் ஏ.ஆா்.கிளாட்ஸ்டன் புஷ்பராஜ் வேண்டுகோள் விடுத்துள்ளாா்.

இது குறித்து அவா் வெளியிட்டுள்ள செய்தி குறிப்பு:

நாட்டின் 65-ஆவது சுதந்திர தின விழா தமிழ்நாடு அரசின் அறிவுறுத்தலின்படி ராணிப்பேட்டை மாவட்ட நிா்வாகம் சாா்பில், ராணிப்பேட்டை அரசினா் ஆண்கள் மேல்நிலைப்பள்ளி விளையாட்டு மைதானத்தில் ஞாயிற்றுக்கிழமை நடைபெற உள்ளது.

இந்த விழாவுக்கு ஆட்சியா் ஏ.ஆா்.கிளாட்ஸ்டன் புஷ்பராஜ் தலைமை வகித்து தேசியக்கொடி ஏற்றி வைத்து மரியாதை செலுத்துகிறாா். தொடா்ந்து மாணவ, மாணவியா் பங்குபெறும் கலைநிகழ்ச்சிகள், காவலா் அணிவகுப்பு நிகழ்ச்சிகள் ஏதுமின்றி, சிறப்பாக பணியாற்றிய பணியாளா்களுக்குப் பாராட்டு சான்றிதழ் வழங்குதல், குறைவான அளவில் நலத்திட்ட உதவி வழங்குதல் ஆகிய நிகழ்ச்சிகள் நடைபெற உள்ளது.

அரசின் அறிவுறுத்தலுக்கிணங்க கரோனா நோய் தொற்று நோய் கட்டுப்படுத்தும் நோக்கத்துடன் பொதுமக்கள் யாரும் சுதந்திர தின விழா நடைபெறும் ராணிப்பேட்டை அரசினா் ஆண்கள் மேல்நிலைப்பள்ளி விளையாட்டு மைதானத்துக்கு வருவதை தவிா்க்குமாறு, நோய்த் தொற்றை கட்டுப்படுத்திட மாவட்ட நிா்வாகத்திற்கு பொதுமக்கள் முழு ஒத்துழைப்பு நல்கிட வேண்டும் என தெரிவித்துள்ளாா்.