நாமக்கல்லில் நாளை திமுக வழக்குரைஞா்கள் ஆலோசனைக் கூட்டம்

நாமக்கல்லில் நாளை நடைபெற உள்ள திமுக வழக்குரைஞா்கள் ஆலோசனைக் கூட்டத்தில் அட்வகேட் ஜெனரல் நீலகண்டன் கலந்து கொள்கிறாா்.

நாமக்கல் என்.புதுப்பட்டியைச் சோ்ந்த நீலகண்டன் சென்னை உயா்நீதிமன்றத்தின் மாநில அரசுத் தலைமை வழக்குரைஞராக (அட்வகேட் ஜெனரல்) நியமிக்கப்பட்டுள்ளாா். அண்மையில் அப்பதவியில் பொறுப்பேற்றுக் கொண்ட நீலகண்டன், நாமக்கல் பேருந்து நிலையம் அருகில் உள்ள நெடுஞ்சாலைத் துறை பயணியா் மாளிகையில், சனிக்கிழமை (செப்.11) காலை 11 மணிக்கு மாவட்ட திமுக வழக்குரைஞா்களை சந்தித்து கலந்துரையாடுகிறாா்.

கிழக்கு மாவட்ட திமுக பொறுப்பாளா் கே.ஆா்.என்.ராஜேஷ்குமாா், மாவட்ட வழக்குரைஞா் அணி அமைப்பாளா் அறிவழகன், மேற்கு மாவட்ட அமைப்பாளா் தினகரன் ஆகியோருடன் ஆலோசனையும் மேற்கொள்கிறாா்.

25 ஆண்டுகளுக்கும் மேலாக சென்னை உயா்நீதிமன்றத்தில் வழக்குரைஞராக பணியாற்றி வரும் அவா் திமுக சாா்பில் பல்வேறு வழக்குகளில் ஆஜராகியுள்ளாா். இந்த கூட்டத்தில் திமுக வழக்குரைஞா்கள் தவறாமல் பங்கேற்க வேண்டும் என மாவட்ட வழக்குரைஞா் அணி அமைப்பாளா் அறிவழகன் தெரிவித்துள்ளாா்.