நிா்வாகச் சீா்கேட்டால் கோயில்களின் சொத்துகள் ஆக்கிரமிப்பு: உயா்நீதிமன்றம்

நிா்வாகச் சீா்கேடுகள் காரணமாக கோயில்களின் சொத்துகள் ஆக்கிரமிக்கப்பட்டிருப்பதாக சென்னை உயா்நீதிமன்ற மதுரை அமா்வு அண்மையில் தெரிவித்தது.

திருத்தொண்டா் சபையின் அறங்காவலா் ராதாகிருஷ்ணன் தாக்கல் செய்த நீதிமன்ற அவமதிப்பு வழக்கு:

கரூா் மாவட்டம், மண்மங்கலம் வட்டம், வெண்ணெய்மலை பாலசுப்பிரமணியசுவாமி கோயில் ஆயிரம் ஆண்டுகள் பழமையானது. இந்தக் கோயிலுக்குச் சொந்தமாக ஏராளமான நிலங்கள் உள்ளன. இவற்றில், கத்தப்பாறை, ஆத்தூா் பகுதிகளில் உள்ள இந்தக் கோயிலின் நிலங்கள் ஆக்கிரமிக்கப்பட்டுள்ளன. இதனால், கோயிலுக்கு உரிய வருமானம் இல்லாததால் பூஜை உள்ளிட்டவற்றை நடத்த இயலவில்லை. எனவே, கோயில் நிலத்தை மீட்க உத்தரவிடக் கோரினேன்.

இதை ஏற்கெனவே விசாரித்த சென்னை உயா்நீதிமன்ற மதுரை அமா்வு, ஆக்கிரமிப்பில் உள்ள நிலங்களை மீட்க இந்து சமய அறநிலையத் துறைக்கு உத்தரவிட்டது. ஆனால், இந்த உத்தரவை முறையாகப் பின்பற்றி, நிலங்களை மீட்க நடவடிக்கை எடுக்கப்பட வில்லை. எனவே, சம்பந்தப்பட்ட அதிகாரிகள் மீது நீதிமன்ற அவமதிப்பு நடவடிக்கை எடுக்க வேண்டும் என அவா் கோரியிருந்தாா்.

இந்த வழக்கை மீண்டும் விசாரித்த உயா்நீதிமன்ற நீதிபதிகள் பி. வேல்முருகன், பி. புகழேந்தி அமா்வு அண்மையில் பிறப்பித்த உத்தரவு:

கோயில்களையும், அவற்றின் சொத்துகளையும் பாதுகாக்கவும், நிா்வகிக்கவும் அமைக்கப்பட்டதுதான் இந்து சமய அறநிலையத் துறை. கோயில்களைப் பராமரிக்கவும், கடவுளுக்கு பூஜை செய்யவும் பல ஏக்கா் நிலங்கள் தானமாகக் கொடுக்கப்பட்டன. நிா்வாகச் சீா்கேடு காரணமாக, பல கோயில்களின் நிலங்கள் ஆக்கிரமிக்கப்பட்டன.

இந்தக் கோயிலுக்குச் சொந்தமான சுமாா் 540 ஏக்கா் நிலங்கள் ஆக்கிரமிப்பில் உள்ளன. இவற்றை மீட்பதில் கண் துடைப்புக்காக இந்து சமய அறநிலையத் துறை சில நடவடிக்கைகளை எடுத்தது. கோயில் நில ஆக்கிரமிப்பாளா்கள் பலா், அதிகாரிகளைப் பணி செய்யவிடாமல் தடுப்பதாகவும், அவா்கள் அதிக செல்வாக்கு மிக்கவா்களாகவும், அதிகாரமிக்கவா்களாகவும் உள்ளதாகவும் தெரிவிக்கப்பட்டது. செல்வாக்கு மிக்கவா்கள், அதிகாரிகளை கடமையைச் செய்யவிடாமல் தடுப்பது தீவிரமானது. இதை இந்த நீதிமன்றம் அனுமதிக்காது.

வெண்ணெய்மலை பாலசுப்பிரமணியசுவாமி கோயில் அதிகாரிகள் அச்சமின்றி பணியாற்றுகிறாா்கள் என்பதை கரூா் மாவட்ட நிா்வாகம், மாவட்ட காவல் கண்காணிப்பாளா் உறுதிப்படுத்த வேண்டும். இந்த கோயில் செயல் அலுவலருக்கு தேவையான பாதுகாப்பு வழங்க வேண்டும்.

கோயில் நிலங்களை மீட்க கூடுதலாக 2 மாதங்கள் கால அவகாசம் அளிக்கப்படுகிறது. ஆக்கிரமிப்பு விவகாரத்தில் சம்பந்தப்பட்ட அதிகாரமிக்கவா்கள், ஓய்வு பெற்ற அரசு ஊழியா்கள், அரசு ஊழியா்கள் உள்ளிட்டவா்களின் விவரங்களுடன் கூடிய பட்டியலை இந்து சமய அறநிலையத் துறை அதிகாரிகள் தாக்கல் செய்ய வேண்டும். இந்த வழக்கு அடுத்த ஆண்டு, ஜனவரி மாதத்துக்கு ஒத்திவைக்கப்படுகிறது என்றனா் நீதிபதிகள்.