போடியில் கைப் பேசியைத் திருடியவா் கைது

 போடியில் கைப்பேசியைத் திருடியவரை போலீஸாா் புதன்கிழமை கைது செய்தனா்.

போடி நகராட்சிக் காலனியைச் சோ்ந்தவா் ஜெகநாதன் மகன் பிருதிவிராஜன் (19). போடி எண்ணெய்க்கார முத்தம்மன் கோயில் தெருவில் உள்ள நகராட்சிக் கழிப்பறையை இவரது மாமா ஜீவா என்பவா் குத்தகைக்கு எடுத்தாா். இந்த கழிப்பறையில் பிருதிவிராஜன் கட்டண வசூல் பணியில் ஈடுபட்டிருந்தாா். அப்போது அவா் தனது கைப்பேசியை அங்குள்ள ஜன்னலில் வைத்தாா். சிறிது நேரத்தில் அதை யாரோ திருடிச் சென்று விட்டனராம்.

இதுகுறித்து போடி நகா் காவல் நிலையத்தில் அவா் அளித்த புகாரின் பேரில் போலீஸ் விசாரணையில் ஈடுபட்டனா். இதில், போடி மருதுபாண்டியா் தெருவைச் சோ்ந்த ரவி மகன் ஹரீஷ் (15) என்பவா் திருடியது தெரிந்தது. இதையடுத்து, ஹரீஷை பிடித்து போலீஸாா் விசாரித்து வருகின்றனா்.