ஆடைகளை விட்டுச் செல்லும் பக்தா்களால் அசுத்தமாகும் திருநள்ளாறு பிரம்ம தீா்த்தக் குளம்!

திருநள்ளாறு பிரம்ம தீா்த்தக் குளக்கரையில் பக்தா்கள் விட்டுச் செல்லும் ஆடைகளால் சுகாதாரம் பாதிக்கப்படுவதால், அவற்றை தடுக்க மாவட்ட நிா்வாகம் நடவடிக்கை எடுக்கவேண்டும் என வலியுறுத்தப்பட்டுள்ளது.

நவகிரக தலங்களில் சனிபகவானுக்குரிய தலமான, திருநள்ளாறு ஸ்ரீ தா்பாரண்யேஸ்வரா் கோயிலில் மூலவா் தா்பாரண்யேஸ்வரா் மற்றும் ஸ்ரீ சனீஸ்வரபகவானை தரிசிக்க வரும் பக்தா்கள், கெடுதல் நீங்க வேண்டி, அங்குள்ள நளன் தீா்த்தக் குளத்தில் நீராடிவிட்டு, ஆடைகளை விட்டுச் செல்வது வழக்கம். இந்த ஆடைகள் ஒப்பந்ததாரா்கள் மூலம் அவ்வப்போது அப்புறப்படுத்தப்பட்டு, குளத்தில் தண்ணீா் கெடாத வகையில் கோயில் நிா்வாகம் சாா்பில் பராமரிக்கப்படும்.

இந்நிலையில், கரோனா பரவல் தடுப்பு நடவடிக்கை காரணமாக கடந்த ஆண்டு மாா்ச் மாதம் முதல் நளன் குளத்தில் நீராட தடை விதிக்கப்பட்டதுடன், குளத்திலிருந்த தண்ணீா் வெளியேற்றப்பட்டது. தற்போது கோயிலில் வழிபட பக்தா்கள் அனுமதிக்கப்பட்டாலும், நளன் தீா்த்தக் குளத்தில் நீராட விதிக்கப்பட்ட தடை தொடா்கிறது.

இதனால், கோயிலுக்கு வரும் பக்தா்கள் அருகில் உள்ள விடுதி உள்ளிட்டவற்றில் நீராடிவிட்டு, கோயிலுக்குச் செல்லும் நுழைவு வாயிலுக்கு எதிரே உள்ள பிரம்ம தீா்த்தக் குளக்கரையில் ஆடைகளை விட்டுச் செல்கின்றனா். இதனால், அங்கு ஆடைகள் குவிந்து கிடப்பதுடன், துா்நாற்றம் வீசுவதாக அப்பகுதியினா் தெரிவிக்கின்றனா்.

எனவே, பிரம்ம தீா்த்தக் குளக்கரையில் குவிந்து கிடக்கும் துணிகளை அப்புறப்படுத்தவும், பக்தா்கள் இனி அங்கு ஆடைகளை விட்டுச் செல்வதை தடுக்கவும் மாவட்ட நிா்வாகம் உடனடியாக நடவடிக்கை எடுக்க வேண்டும் என அப்பகுதி மக்கள், வணிகா்கள் வலியுறுத்தி வருகின்றனா்.