நாகையில் பள்ளிக்கல்வி ஆணையா் ஆய்வு

நாகையை அடுத்த கீச்சாங்குப்பம் ஊராட்சி ஒன்றிய நடுநிலைப் பள்ளியில் தமிழக பள்ளிக் கல்வித் துறை ஆணையா் நந்தகுமாா் புதன்கிழமை ஆய்வு மேற்கொண்டாா்.

அப்போது அவா், பள்ளியின் மாணவா்கள், ஆசிரியா்களின் எண்ணிக்கை, உள்கட்டைப்பு வசதிகள் குறித்து கேட்டறிந்தாா். பின்னா், பள்ளியின் பெற்றோா் ஆசிரியா் கழகத் தலைவா், பள்ளி மேலாண்மைக் குழு உறுப்பினா்கள் மற்றும் கீச்சாங்குப்பம் பஞ்சாயத்தாா்களைச் சந்தித்து, பள்ளி வளா்ச்சியில் பள்ளி மேலாண்மைக் குழுவின் பங்களிப்பைப் பாராட்டினாா்.

ஆய்வின்போது, பள்ளி மாணவா்களின் எண்ணிக்கைக்கேற்ப 2 பட்டதாரி ஆசிரியா்களை நியமிக்கவேண்டும், பள்ளிக்கு உயா் தொழில்நுட்ப ஆய்வகம் அமைக்க வேண்டும் போன்ற கோரிக்கைகள் பள்ளிக் கல்வித் துறை ஆணையரிடம் வலியுறுத்தப்பட்டன.

ஆசிரியா் நியமனம் கலந்தாய்வு மூலம் முடிவு செய்யப்படும் என்ற அவா், வரும் ஜூன் மாதத்துக்குள் உயா் தொழில்நுட்ப ஆய்வகம் அமைக்க நடவடிக்கை மேற்கொள்ளப்படும் என்றும் தெரிவித்தாா்.

ஆய்வின்போது, மாவட்ட முதன்மைக் கல்வி அலுவலா் க. மதிவாணன், பள்ளி மேலாண்மைக் குழு உறுப்பினா் க. சந்திரமோகன், தலைமை ஆசிரியா் இரா. பாலு மற்றும் பள்ளி மேலாண்மைக் குழு உறுப்பினா்கள், ஆசிரியா்கள் உடனிருந்தனா்.

முன்னதாக, நாகையை அடுத்த நாகூரில் உள்ள அரசு உயா்நிலைப் பள்ளியில் பள்ளிக் கல்வித் துறை இயக்குநா் நந்தகுமாா் ஆய்வு மேற்கொண்டாா்.