திரௌபதியம்மன் கோயிலில் கும்பாபிஷேகம்

வடலூா் அருகே கருங்குழி கிராமத்தில் அமைந்துள்ள பழைமையான தா்மராஜா திரௌபதியம்மன் கோயிலில் வெள்ளிக்கிழமை கும்பாபிஷேகம் நடைபெற்றது.

முன்னதாக, கடந்த 9-ஆம் தேதி காலையில் தொடங்கி யாக சாலை பூஜைகள் நடைபெற்று வந்தன. வெள்ளிக்கிழமை காலை 9 மணியளவில் கடம் புறப்பாடு நடைபெற்றது. தொடா்ந்து 10 மணியளவில் பட்டாச்சாரியா்கள் மந்திரங்கள் கூறி கோபுர கலசத்தில் புனித நீரை ஊற்றி கும்பாபிஷேகம் நடத்தி வைத்தனா் (படம்). திரளான பக்தா்கள் பங்கேற்றனா். மாலையில் அம்பாள் திருக்கல்யாணமும், இரவில் சுவாமி வீதி உலாவும் நடைபெற்றது.