நடிகர் அனில் முரளி காலமானார்

பல தமிழ்ப் படங்களில் குணச்சித்திர வேடங்களில் நடித்துள்ள அனில் முரளி இன்று காலமானார். அவருக்கு வயது 56.

தனி ஒருவன், 6, கொடி, நாடோடிகள் 2, மிஸ்டர் லோக்கல் போன்ற தமிழ்ப் படங்களில் நடித்த அனில் முரளி கேரளாவைச் சேர்ந்தவர். ஆரம்பத்தில் தொலைக்காட்சித் தொடர்களில் நடித்தார். பிறகு 1993 முதல் படங்களில் நடிக்க ஆரம்பித்தார். மலையாளம், தமிழ், தெலுங்கு என 200-க்கும் அதிகமான படங்களில் நடித்துள்ளார். 

கல்லீரல் பிரச்னைக்காக கொச்சியில் உள்ள தனியார் மருத்துவமனையில் கடந்த 22-ம் தேதி அனுமதிக்கப்பட்டிருந்தார். இந்நிலையில் சிகிச்சை பலனின்றி இன்று அவர் காலமாகியுள்ளார். 

அனில் முரளியின் மறைவுக்குத் திரையுலகப் பிரபலங்கள் பலரும் இரங்கல் தெரிவித்துள்ளார்கள்.