இயக்குநர் சேரன் பிறந்தநாளில் அவர் புதியதாக நடிக்கும் படத்தின் போஸ்டரை பொதுமக்கள் வெளியிட்டுள்ளனர். 

‘ஆட்டோகிராப்’ படத்தின் மூலம் மக்களின் மத்தியில் கவனம் பெற்ற இயக்குநர் நடிகருமான சேரன் பிறந்தநாளில் அவரது ‘தமிழ்க்குடிமகன்’ படத்தின் போஸ்டர் வெளியாகியுள்ளது. லக்‌ஷ்மி கிரியேஷன்ஸ் தயாரிப்பில் ‘பகிரி’, ‘பெட்டிக்கடை’ படங்களை இயக்கிய இசக்கி கார்வண்ணன் இயக்கத்தில் சாம் சி.எஸ். இசையில் இப்படம் உருவாகி வருகிறது. 

இந்த போஸ்டரை பகிர்ந்து இயக்குநர் பாரதிராஜா, “மகன் சேரன் நடித்து வெளிவர இருக்கும் தமிழ்க்குடிமகன் மாபெரும் வெற்றிபெற மகன் பிறந்த நாளான இன்று வாழ்த்துவதில் பெரு மகிழ்ச்சியடைகிறேன். வாழ்த்துகள் மகனே" என தெரிவித்துள்ளார். பல்வேறு திரைப்பிரபலங்களும் இந்த போஸ்டரை பகிர்ந்து வாழ்த்து தெரிவித்து வருகின்றனர்.