ராஷ்மிகா நடித்துள்ள ஹிந்திப் படத்தின் ரிலீஸ் தேதி அறிவிப்பு! 

பிரபல நடிகை ராஷ்மிகா மந்தனாவின் இரண்டாவது ஹிந்திப் படம் நெட்பிளிக்ஸில் வெளியாகுமென அறிவிக்கப்பட்டுள்ளது. 

தமிழ் மற்றும் தெலுங்கில் பிரபல நடிகையாக இருப்பவர் நடிகை ராஷ்மிகா மந்தனா. சமீபத்தில் இவர் நடிப்பில் வெளியான ‘புஷ்பா’ ‘சீதாராமம்’ உள்ளிட்ட படங்கள் ரசிகர்கள் மத்தியில் நல்ல வரவேற்பைப் பெற்றுத்தந்தது. தற்போது, நடிகர் விஜய் உடன் ‘வாரிசு’ படத்தில் நடித்து வருகிறார். 

அமிதாப் பச்சனுடன் சேர்ந்து பாலிவுட்டிலும் கால்பதித்து விட்டார். ‘குட்ஃபை’ எனும் இந்தப்படம் விமர்சன ரீதியாக நல்ல வரவேற்பினை பெற்றது. அடுத்த ஹிந்திப் படத்தில் சித்தார்த் மல்லோத்ராவுடன் இணைந்து நடித்துள்ளார். சாந்தனு பக்‌ஷி இயக்கியுள்ளார். ரோனி ஸ்கிரீவாலா, அமர் புட்லா, கரிமா மேக்தா இணைந்து தயாரித்துள்ளனர். 

தனது இரண்டாவது ஹிந்தி படமான ‘மிஷன் மஜ்னு’ படம் நெட்பிளிக்ஸில் அடுத்தாண்டு ஜனவரி 20இல் வெளியாகுமென அதிகாரபூர்வ அறிவிப்பு வெளியாகியுள்ளது.