சிம்பு - ஹன்சிகா நடித்த மஹா: புதிய வெளியீட்டுத் தேதி அறிவிப்பு

ஹன்சிகாவின் 50-வது படம் மஹா. அறிமுக இயக்குநர் யு.ஆர். ஜமீல் இயக்கியுள்ளார். கருணாகரன், தம்பி ராமையா போன்றோரும் நடித்துள்ளார்கள். இசை - ஜிப்ரான்.

2015-ல் வெளியான வாலு படத்தில் சிம்புவும் ஹன்சிகாவும் இணைந்து நடித்தார்கள். இருவரும் காதலிப்பதாக அறிவித்தவர்கள் பிறகு கருத்துவேறுபாடு காரணமாகப் பிரிந்துபோனார்கள். மஹா படத்தின் மூலமாக இருவரும் மீண்டும் இணைந்து நடித்துள்ளார்கள்.

2020-ம் வருடம் அக்டோபர் மாதத்தில் மஹா படத்தின் படப்பிடிப்பு நிறைவுபெற்றது. கடந்த ஜூலை மாதம் தணிக்கை செய்யப்பட்டது. 

இந்நிலையில் மஹா படத்தின் புதிய வெளியீட்டுத் தேதி அறிவிக்கப்பட்டுள்ளது. ஜூன் 10 அன்று திரையரங்குகளில் மஹா படம் வெளியாகவுள்ளது.