அருண் மாதேஸ்வரன் இயக்கத்தில் நடிகர் தனுஷ் நடிக்கும் கேப்டன் மில்லர் படத்தின் புதிய அப்டேட்டை இன்று மாலை வெளியிடுவதாக படக்குழு தெரிவித்துள்ளது. 

இயக்குநர் அருண் மாதேஸ்வரன் இயக்கத்தில் நடிகர் தனுஷ் நடிக்கும் திரைப்படத்திற்கு கேப்டன் மில்லர் என சமீபத்தில் தெரிவித்தனர். 

நடிகை கீர்த்தி சுரேஷ் நடித்த சாணிக் காயிதம் திரைப்படத்திற்குப் பிறகு இயக்குநர் அருண் மாதேஸ்வரன் நடிகர் தனுஷுடன் இணைந்து புதிய படத்திற்கான வேலைகளில் ஈடுபட்டுள்ளார். இசையமைப்பாளர் ஜி.வி.பிரகாஷ் இசையமைக்க உள்ளதாக தகவல் வெளியானது.

மாறுபட்ட தோற்றத்தில் உருவாகிவரும் இந்த படம் குறித்து மிகுந்த எதிர்பார்ப்பு எழுந்து வருகிறது. இந்நிலையில் தயாரிப்பாளர் சத்ய ஜோதி பிலிம்ஸ் தனது ட்விட்டர் பக்கத்தில் இன்று மாலை படம் குறித்த புதிய அப்டேட் வெளியாகுமென கூறியுள்ளது ரசிகர்கள் மத்தியில் ஆர்வத்தை தூண்டியுள்ளது.