கமல்ஹாசனின் மூத்த மகளான ஸ்ருதி ஹாசன் பாடகர், நடிகர், இசையமைப்பாளர் என பன்முக திறன் கொண்டவர். அஜித், விஜய், சூர்யா என தமிழ் சினிமாவின் முன்னணி நடிகையாக இருந்து வருகிறார். தெலுங்கிலும் ஏராளமான படங்களில் நடித்திருந்தார். 

நடிகை ஸ்ருதி ஹாசன் தற்போது 'கேஜிஎஃப்' இயக்குநர் பிரஷாந்த் நீல் இயக்கத்தில் பிரபாஸுக்கு ஜோடியாக 'சலார்' படத்தில் நடித்துவருகிறார். இதன் படப்பிடிப்பு விறுவிறுப்பாக நடைபெற்றுவருகிறது.

இதையும் படிக்க: ‘நான் தெலுங்கு இயக்குநரோ தமிழ் இயக்குநரோ இல்லை...’- வாரிசு வெற்றி விழாவில் வம்சி 

பொங்கலுக்கு தெலுங்கில் வெளியாகும் இரண்டு பெரிய படங்களில் ஸ்ருதி ஹாசன்தான் கதாநாயகி. பாலகிருஷ்ணாவுடன் ‘வீர சிம்ஹ ரெட்டி’, தெலுங்கு சூப்பர் ஸ்டார் சிரஞ்சீவி ‘வால்டர் வீரய்யா’ படத்திலும் நடித்துள்ளார். பாலகிருஷ்ணா படத்தின் புரமோஷன் நிகழ்ச்சியில் பங்குபெற்ற ஸ்ருதி ஹாசன் சிரஞ்சீவி படத்தின் புரமோஷனில் கலந்துக் கொள்ளவில்லை என கேள்வி எழுந்தது. பின்னர் அவருக்கு காய்ச்சல் என இன்ஸ்டாகிராமில் தெரிவித்திருந்தார். 

இதையும் படிக்க: ‘துணிவு பொங்கலா? வாரிசு பொங்கலா?’ - ரெட் ஜெயண்ட் அதிரடி ட்வீட்! 

இந்நிலையில் ஸ்ருதி நடித்த இரண்டு படங்களுமே பெரும் வெற்றி பெற்றுள்ளது. சிரஞ்சீவியின் வால்டர் வீரய்யா திரைப்படம் 3 நாளில் உலகம் முழுவதும் ரூ.108 கோடி வசூலாகியுள்ளது. பாலகிருஷ்ணா நடித்த வீர சிம்ஹ ரெட்டிஉலகம் முழுவதும் 4 நாள்களில் ரூ.104 கோடியும் வசூலானதாக தயாரிப்பு நிறுவனம் அதிகாரபூர்வமாக அறிவித்துள்ளது. 

இதையும் படிக்க: தெலுங்கில் மாபெரும் வரவேற்பு: ‘வாரிசு’ திரைப்படம் 3 நாளில் ரூ.100 கோடி வசூலா?

இதனால் ஸ்ருதி ஹாசனுக்கு டபுள் ட்ரீட்தான். மொத்தமாக இரண்டு படங்களையும் சேர்த்து ரூ.200 கோடிக்கும் மேல் வசூலாகியுள்ளது. இந்த வகையில் உண்மையான பொங்கல் வின்னர் ஸ்ருதி ஹாசன்தான்.