பிக் பாஸ் சீசன் 7 நிகழ்ச்சி தனியார் தொலைக்காட்சியில் ஒளிபரப்பாகி வருகிறது. 

கூல் சுரேஷ், பிரதீப் ஆண்டனி, மாயா எஸ்.கிருஷ்ணா, யுகேந்திரன் வாசுதேவன், பவா செல்லத்துரை(எழுத்தாளர்), ஜோவிகா விஜயகுமார் (வனிதா விஜயகுமாரின் மகள்) உள்பட 18 போட்டியாளர்கள் இந்தத் சீசனில் கலந்து உள்ளனர். 

கடந்த அக்.1 ஆம் தேதி துவங்கிய இந்நிகழ்ச்சி 5 நாள்களைக் கூட நிறைவு செய்யாத நிலையில், போட்டியாளர்களிடையே அடிக்கடி வாக்குவாதங்கள் ஏற்பட்டு வருகிறது. 

இதையும் படிக்க: பிரைம் தளத்தில் வெளியானது திருச்சிற்றம்பலம்!

இந்நிலையில், படிப்பைப் பாதியில் நிறுத்திவிட்டு பிக்பாஸுக்குள் நுழைந்த ஜோவிகாவிடம் நடிகை விசித்திரா, “உனக்கு எழுதப்படிக்கத் தெரியுமா? முடிஞ்சா தமிழ்ல எழுதிக்காட்டுடீ’ எனக் காட்டமாகக் கேட்டார். இதைக் கேட்ட ஜோவிகா, ‘என்னால் முடியவில்லை என்றதால்தான் படிப்பை விட்டேன். ஒரு விசயத்தைச் செய்யும்போது கவனமில்லை என்றால் அதை விட்டுவிட வேண்டும். படித்திருந்தால் மட்டுமே வாழ வேண்டும் என எதுவுமில்லை’ என அதிரடியாக பதிலளித்துள்ளார். இந்தப் புரோமோ தற்போது வைரலாகி வருகிறது.