ஜேசன் சஞ்சய் படத்தின் அப்டேட்!

ஜேசன் சஞ்சய் இயக்கும் படத்தின் படப்பிடிப்பு குறித்து தகவல் வெளியாகியுள்ளது.

நடிகர் விஜய் மகன் ஜேசன் சஞ்சய் லண்டனில் தன் படிப்பை முடித்ததும் இயக்குநராகும் ஆசையில் சில குறும்படங்களை இயக்கினார். தொடர்ந்து, கடந்த ஆண்டு லைகா நிறுவனத்தின் தயாரிப்பில் ஜேசன் இயக்குநராக அறிமுகமாகிறார் என அறிவிப்பு வெளியானதும் ரசிகர்கள் ஆச்சரியமடைந்தனர்.

ஆனால், படப்பிடிப்பு துவங்காமல் இருந்ததால் படம் கைவிடப்படலாம் என கூறப்பட்டது. பின், சில மாதங்களுக்கு முன் படத்தின் நாயகனாக சந்தீப் கிஷன் நடிக்க உள்ளதை தயாரிப்பு நிறுவனம் அதிகாரப்பூர்வமாக அறிவித்தது.

இதையும் படிக்க: புதிய படத்தை தயாரித்து இயக்கும் ஐஸ்வர்யா ரஜினிகாந்த்!

இந்த நிலையில், இப்படத்தின் படப்பிடிப்பு சென்னையில் சில நாள்களுக்கு முன் துவங்கி நடைபெற்று வருவதாகத் தகவல்கள் தெரிவிக்கின்றன. ஆக்சன் பின்னணியில் படத்தை கதை இருக்கலாம் என எதிர்பார்க்கப்படுகிறது.

இப்படத்திற்கு இசையமைப்பாளராக தமன் ஒப்பந்தம் செய்யப்பட்டுள்ளதாகக் கூறப்படுகிறது.