பல்வேறு திட்டங்களுக்கு அடிக்கல் நாட்டுவது மற்றும் திறப்பு விழாவுக்காக பிரதமர் நரேந்திர மோடி இன்று (டிசம்பர் 11) கோவா மற்றும் மகாராஷ்டிரத்துக்கு செல்கிறார்.

மகாராஷ்டிரத்தின் நாக்பூரில் ரூ.75 ஆயிரம் கோடி மதிப்பிலான நலத்திட்டங்கள் அடிக்கல் நாட்டு விழாவில் பங்கேற்க உள்ளார். மேலும், நாக்பூர்-பிலாஸ்பூர் வந்தே பாரத் ரயில் திட்டத்தையும் அவர் தொடக்கி வைக்க உள்ளார். அதன்பின் எய்ம்ஸ் மருத்துவமனையையும் திறந்து வைக்க உள்ளார்.

இதையும் படிக்க: பிறந்த குழந்தை சில மணி நேரங்களிலேயே உயிரிழப்பு: சீர்காழி அரசு மருத்துவமனையில் பரபரப்பு!

கோவா மாநிலத்துக்கு செல்லும் பிரதமர் நரேந்திர மோடி மோப்பா சர்வதேச விமான நிலையத்தை திறந்து வைக்கிறார்.

இந்த மோப்பா விமான நிலையம் வடக்கு கோவாவில் அமைந்துள்ளது. இந்த விமான நிலையம் ரூ.2,870 கோடியில் உருவாகியுள்ளது. ஆண்டு ஒன்றுக்கு இந்த விமான நிலையத்தின் மூலம் 44 லட்சம் பயணிகள் பயனடைவர்.