யுஜிசி நெட் தேர்வு முடிவுகள் சனிக்கிழமை வெளியாகின. 

யுஜிசி நெட் தேர்வின் டிசம்பர் 2021, ஜூன் 2022  தேர்வர்களுக்கான தேர்வு முடிவுகள் இன்று வெளியிடப்படுவதாக ஏற்கெனவே அறிவிக்கப்பட்டிருந்தன. 

இந்நிலையில் தேர்வு முடிவுகள் சனிக்கிழமை இரவு இணையதளத்தில் வெளியானது. 

நெட் தேர்வு முடிவுகளை www.nta.ac.in என்ற இணையதளத்தில் அறிந்து கொள்ளலாம். தங்களின் விண்ணப்ப எண் மற்றும் பிறந்த தேதியை பதிவிட்டு முடிவுகளை தெரிந்து கொள்ளலாம் என தெரிவிக்கப்பட்டுள்ளது.

யுஜிசி நெட் தேர்வு தேசிய தேர்வு முகமையால் நடத்தப்படும் தகுதித் தேர்வாகும். தேசிய அளவிலான பல்கலைக்கழகங்களில் உதவிப்பேராசியர் பணிகள் மற்றும் ஆராய்ச்சி மாணவர் படிப்புகளுக்கு விண்ணப்பிக்க இந்த தேர்வில் தேர்ச்சி அடைய வேண்டும் என்பது குறிப்பிடத்தக்கது.