ராகுல் குறித்து பாஜக கேலிச்சித்திர விடியோ: காங்கிரஸ் சாடல்

இந்திய ஒற்றுமை நடைப்பயணம் மேற்கொண்டு வரும் காங்கிரஸ் எம்.பி. ராகுல் காந்தி குறித்து கேலிச்சித்திர விடியோவை பாஜக ஞாயிற்றுக்கிழமை வெளியிட்டது. இதனை காங்கிரஸ் கடுமையாக சாடியுள்ளது.

‘ஷோலே’ ஹிந்தி திரைப்படத்தில் வரும் நடிகா் கோவா்தன் அஸ்ரானியின் சிறைக்காவலா் கதாபாத்திரத்தைப் போன்ற தோற்றத்தில் ராகுலை சித்திரித்து, கேலிச்சித்திர விடியோவை பாஜக ட்விட்டரில் வெளியிட்டது.

கோவாவில் காங்கிரஸ் எம்எல்ஏக்கள் அக்கட்சியில் இருந்து விலகி பாஜகவில் இணைந்தது, மூத்த தலைவா் குலாம் நபி ஆஸாத் விலகியது, ராஜஸ்தான் காங்கிரஸ் உள்கட்சி குழப்பம் உள்ளிட்டவற்றை முன்வைத்து, ராகுலை கேலி செய்யும்விதமாக விடியோ அமைந்துள்ளது. இந்த விடியோவும், பாஜகவின் விமா்சன பதிவும் சமூக ஊடகங்களில் வேகமாகப் பரவின.

இந்த விவகாரத்தில் பாஜகவை விமா்சித்து காங்கிரஸ் பொதுச் செயலாளா் ஜெய்ராம் ரமேஷ் கூறுகையில், ‘ராகுலின் இந்திய ஒற்றுமை நடைப்பயணத்துக்கு கிடைத்து வரும் வெற்றியை எதிா்க்க பாஜக கையாண்டுள்ள சமீபத்திய வழிமுைான் இந்த விடியோ. அக்கட்சியின் விரக்தியும் ஏமாற்றமும் சோ்ந்து கேலிச்சித்திர விடியோவாக உருவாகியுள்ளது. இதனை பரிதாபகரமானது என்று குறிப்பிடுவதுகூட குறைவானதே’ என்றாா்.

ராகுல் மேற்கொண்டு வரும் இந்திய ஒற்றுமை நடைப்பயணத்தைக் குறிப்பிட்டு, அவரை பாஜக அவ்வப்போது விமா்சித்து வருகிறது. ஆனால், ராகுல் நடைப்பயணத்துக்கு கிடைத்து வரும் மக்களின் ஆதரவால் விரக்தியடைந்து, பாஜக இவ்வாறு விமா்சிப்பதாக காங்கிரஸ் கூறி வருவது குறிப்பிடத்தக்கது.