9 மாநில அரசுகளைக் கவிழ்த்ததுதான் பாஜக சாதனை!

9 மாநில அரசுகளை கவிழ்த்து ஆட்சியை பிடித்ததே பாஜகவின் சாதனை என தேசியவாத காங்கிரஸ் கட்சி எம்.பி. சுப்ரியா சூலே விமர்சித்துள்ளார். 

பிரதமர் நரேந்திர மோடி தலைமையிலான மத்திய பாஜக அரசின் மீதான நம்பிக்கையில்லா தீர்மானத்தின் மீது இன்று மக்களவையில் விவாதம் நடத்தப்பட்டது. 

இதில் பேசிய தேசியவாத காங்கிரஸ் கட்சி எம்.பி. சுப்ரியா சூலே, 9 மாநில அரசுகளை கவிழ்த்து ஆட்சியை பிடித்ததே பாஜகவின் சாதனை. கர்நாடகம்,  மகாராஷ்டிரம், மத்திய பிரதேசம், அருணாசல பிரதேசம், மணிப்பூர், மேகாலயா, உத்தரகாண்ட், கோவா, புதுச்சேரி ஆகிய 9 மாநில அரசுகளைக் கவிழ்த்ததே மத்திய பாஜக அரசின் சாதனை என சுப்பிரியா சூலே விமர்சித்தார்.