மேற்கு வங்க எல்லையில் தங்கத்தை கடத்தியதாக வங்கதேசத்தைச் சேர்ந்த 4 பேர் கைது செய்யப்பட்டுள்ளனர். 

மேற்கு வங்கத்தின் பெட்ராபோலில் உள்ள சர்வதேச எல்லையான இந்தியா-வங்கதேச எல்லை வழியாக ரூ.1. 86 கோடி மதிப்பிலான தங்கத்தை கடத்தியதாக ஒரு பெண் உட்பட 4 வங்கதேசத்தைச் சேர்ந்தவர்கள் கைது செய்யப்பட்டதாக பிஎஸ்எஃப் அதிகாரிகள் தெரிவித்தனர். 

பெலால் ஹொசைன் (40), முகமது கபீர் (48), அசம் கான் (46), ஜூபிதா கானும் (33) ஆகிய நான்கு பேரும் வங்கதேசத்தில் இருந்து இந்தியாவுக்குள் சட்டப்பூர்வமாக நுழையும்போது, ​​அவர்களை எல்லைப் பாதுகாப்புப் படையினர் கைது செய்துள்ளனர். 

உடனே அவர்களிடமிருந்து 3.19 கிலோ எடையுள்ள 23 தங்க பிஸ்கட்டுகள் மற்றும் 4 தங்க வளையல்களை அதிகாரிகள் பறிமுதல் செய்துள்ளனர். இதையடுத்து கைதான 4 பேரும் உள்ளூர் காவல்துறையினரிடம் ஒப்படைக்கப்பட்டனர்.