மும்பை: மக்களவைத் தேர்தலை ஒன்றாக எதிர்கொள்வது என்று இந்தியா கூட்டணிக் கூட்டத்தில் இன்று தீர்மானம் நிறைவேற்றப்பட்டுள்ளது.

காங்கிரஸ், திமுக உள்பட 26 எதிா்க்கட்சிகளைக் கொண்ட ‘இந்தியா’ கூட்டணியின் கூட்டம் மும்பையில் வியாழக்கிழமை தொடங்கி, இரண்டாவது நாளாக வெள்ளிக்கிழமையும் நடைபெற்றது.

இதையும் படிக்க.. ஹனி-டிராப் மோசடிகளில் சிக்கிக் கொண்டால் என்ன செய்வது?

இந்தக் கூட்டத்தின் நிறைவில், பல முக்கிய தீர்மானங்கள் நிறைவேற்றப்பட்டுள்ளன. 
அதில், இந்தியா கூட்டணியில் இடம்பெற்றுள்ள கட்சிகளுக்குள் தொகுதிப் பங்கீட்டை உடனடியாகத் தொடங்கி விரைவில் முடிக்க தீர்மானம் நிறைவேற்றப்பட்டது.

மேலும், மக்களவைத் தேர்தலில் இயன்றவரை ஒன்றாக இணைந்து போட்டியிடுவது என இந்தியா கூட்டணி மிக முக்கிய தீர்மானத்தை நிறைவேற்றியிருக்கிறது.

தொடர்ந்து, மக்களின் பிரச்னைகளை கையிலெடுத்து, நாடு முழுவதும் பல்வேறு இடங்களில் பொதுக் கூட்டங்களை நடத்துவது என்றும் தீர்மானம் நிறைவேற்றப்பட்டுள்ளதாக செய்திகள் தெரிவிக்கின்றன.

அடுத்த ஆண்டு நடைபெறவுள்ள மக்களவைத் தோ்தலில் பாஜகவை எதிா்கொள்வதற்காக 26 எதிா்க்கட்சிகள் இணைந்து ‘இந்தியா’ கூட்டணியை அமைத்துள்ளன. அக்கூட்டணியின் முதல் கூட்டம் பிகாா் தலைநகா் பாட்னாவிலும், 2-ஆவது கூட்டம் பெங்களூரிலும் நடைபெற்றது.

இந்நிலையில், அக்கூட்டணியின் 3-ஆவது கூட்டம் மகாராஷ்டிரத்தின் மும்பையில் வியாழக்கிழமை தொடங்கி இன்று இரண்டாவது நாளாக நடைபெற்றது.

காங்கிரஸ் தேசியத் தலைவா் மல்லிகாா்ஜுன காா்கே, முன்னாள் தலைவா் சோனியா காந்தி, கட்சி எம்.பி. ராகுல் காந்தி, தேசியவாத காங்கிரஸ் தலைவா் சரத் பவாா், தமிழக முதல்வா் மு.க.ஸ்டாலின், மேற்கு வங்க முதல்வா் மம்தா பானா்ஜி, பிகாா் முதல்வா் நிதீஷ் குமாா், பிகாா் முன்னாள் முதல்வரும் ராஷ்ட்ரீய ஜனதா தள தலைவருமான லாலு பிரசாத் யாதவ், பிகாா் துணை முதல்வா் தேஜஸ்வி யாதவ், ஜம்மு-காஷ்மீா் முன்னாள் முதல்வா்கள் மெஹபூபா முஃப்தி, ஃபரூக் அப்துல்லா, சமாஜவாதி தலைவா் அகிலேஷ் யாதவ் உள்பட 28 கட்சிகளைச் சோ்ந்த 63 பிரதிநிதிகள் கூட்டத்தில் பங்கேற்றனர்.

தமிழக முதல்வரும், திமுக தலைவருமான மு.க. ஸ்டாலின் உள்பட ஒருங்கிணைப்புக் குழுவில் 11 போ் இடம்பெற்றுள்ளனர்.

கூட்டணியின் அடுத்த கூட்டத்தை எங்கு, எப்போது நடத்துவது என்பது தொடா்பாகவும் முடிவெடுக்கப்பட்டுள்ளதாகத் தகவல்கள் தெரிவிக்கின்றன.