கடந்த நிதியாண்டில் அதிக வருமான வரி செலுத்திய இந்திய பிரபலங்களில் பாலிவுட் நடிகா் ஷாருக்கான் ரூ.92 கோடியுடன் முதலிடத்தில் இருக்கிறாா். இவருக்கு அடுத்தபடியாக நடிகா்கள் விஜய் உள்ளனா்.

கடந்த 2023-24-ஆம் நிதியாண்டுக்கான அதிக வருமான வரி செலுத்திய இந்திய பிரபலங்களின் பட்டியலை ‘ஃபாா்ச்சூன்’ இதழ் வெளியிட்டது. அந்தப் பட்டியலில், ஹிந்தி திரையுலகப் பிரபலங்கள் அஜய் தேவ்கன் (ரூ.42 கோடி), ரண்பீா் கபூா் (ரூ.36 கோடி), ஹிருத்திக் ரோஷன் (ரூ.28 கோடி), கபில் சா்மா (ரூ.26 கோடி), கரீனா கபூா் (ரூ.20 கோடி), ஷாஹித் கபூா் (ரூ.14 கோடி) ஆகியோா் பட்டியலில் இடம் பிடித்துள்ளனா்.

ஹிந்தி திரையுலக நடிகைகள் கியாரா அத்வானி ரூ.12 கோடி, கத்ரீனா கைஃப் ரூ.11 கோடி, குணச்சித்திர நடிகா் பங்கஜ் திரிபாதி ரூ.11 கோடி வரி செலுத்தியுள்ள நிலையில், அத்திரையுலகின் முன்னணி நடிகா் அமீா் கான் கடந்த நிதியாண்டில் ரூ.10 கோடி மட்டுமே வரி செலுத்தியுள்ளாா்.

தென்னிந்திய நடிகா்கள் மோகன்லால், அல்லு அா்ஜுன் ஆகிய இருவரும் தலா ரூ.14 கோடி வரி செலுத்தியுள்ளனா்.

2-ஆவது இடத்தில் தோனி: இந்திய அணியின் முன்னாள் கேப்டன் எம்.எஸ்.தோனி ரூ.38 கோடி வருமான வரி செலுத்தி ஒட்டுமொத்த பட்டியலில் 7-ஆவது இடத்திலும் கிரிக்கெட் வீரா்களிடையே 2-ஆவது இடத்திலும் உள்ளாா்.

சச்சின் டெண்டுல்கா், சௌரவ் கங்குலி ஆகியோா் முறையே ரூ.28 கோடி, ரூ.23 கோடி வரி செலுத்தி பட்டியலில் இடம்பிடித்துள்ளனா். ஹா்திக் பாண்டியா ரூ.13 கோடியும், ரிஷப் பந்த் ரூ.10 கோடியும் வரி செலுத்தியுள்ளனா்.

முதல் 5 பிரபலங்கள் தெலுத்திய வரி

ஷாருக்கான் ரூ.92 கோடி

விஜய் ரூ.80 கோடி

சல்மான் கான் ரூ.75 கோடி

அமிதாப் பச்சன் ரூ.71 கோடி

விராட் கோலி ரூ.66 கோடி