அதிரடியாக குறைந்த தங்கம் விலை: எவ்வளவு குறைந்தது?

வரலாறு காணாத உச்சத்தை அடைந்து வந்த தங்கத்தின் விலை வெள்ளிக்கிழமை அதிரடியாக பவுனுக்கு ரூ.320 குறைந்துள்ளது.

சென்னையில் ஆபரணத் தங்கத்தின் விலை ஏற்ற, இறக்கமாக இருந்து வந்த நிலையில் கடந்த மார்ச் 14 ஆம் தேதி ரூ.66,400-க்கு விற்பனையாகி புதிய உச்சத்தை தொட்டது.

அதனைத் தொடர்ந்து 15 ஆம் தேதி பவுனுக்கு ரூ.640 குறைந்து ரூ.65,760-க்கும், மார்ச் 17 ஆம் தேதி பவுனுக்கு ரூ.80 குறைந்து ரூ.65,680-க்கு விற்பனையான நிலையில், செவ்வாய்க்கிழமை அதிரடியாக பவுனுக்கு ரூ.320 உயர்ந்து ரூ. 66,000-க்கு விற்பனையானது. புதன்கிழமை மீண்டும் பவுனுக்கு ரூ.320 உயர்ந்தது. தொடர்ந்து வியாழக்கிழமை பவுனுக்கு ரூ.160 உயர்ந்து, ரூ. 66,480 என்ற புதிய உச்சத்தை தொட்டது.

நம் முன்னெடுப்பு நாட்டின் எதிர்காலத்தை வடிவமைக்கும்: முதல்வர் மு.க.ஸ்டாலின்

தங்கத்தின் விலை தொடர்ந்து உயர்ந்து பவுன் ரூ.67 ஆயிரத்தை நெருங்குவது நடுத்தர மக்களிடையே கவலை ஏற்படுத்தியது.

இந்த நிலையில், சென்னையில் சென்னையில் ஆபரணத் தங்கத்தின் விலை வெள்ளிக்கிழமை அதிரடியாக பவுனுக்கு ரூ.320 குறைந்து ரூ.66,160-க்கு விற்பனையாகிறது. கிராமுக்கு ரூ.40 குறைந்து ரூ.8,270-க்கு விற்பனையாகிறது.

வெள்ளிவிலை நிலவரம்

வெள்ளியின் விலை கிராமுக்கு ரூ.2 குறைந்து ரூ.112.10-க்கும் ஒரு கிலோ கட்டி வெள்ளி ரூ. 1,12,100-க்கும் விற்பனையாகிறது.