இந்தியா - இங்கிலாந்து இடையிலான அடுத்தாண்டு நடைபெறவுள்ள டி20, ஒருநாள் தொடருக்கான அட்டவணையை இங்கிலாந்து மற்றும் வேல்ஸ் கிரிக்கெட் வாரியம் வெளியிட்டுள்ளது.

இங்கிலாந்தில் சுற்றுப்பயணம் மேற்கொண்டிருக்கும் இந்திய அணி 5 போட்டிகள் கொண்ட டெஸ்ட் தொடரில் விளையாடி வருகிறது. மேலும், இந்திய மகளிரணியும் இங்கிலாந்தில் சுற்றுப்பயணம் மேற்கொண்டு டி20 மற்றும் ஒருநாள் தொடர்களில் விளையாடி தொடரை வென்று சாதனை படைத்துள்ளது.

இந்த நிலையில், அடுத்தாண்டு இந்தியா - இங்கிலாந்து அணிகள் மோதும் தொடருக்கான அட்டவணையை இங்கிலாந்து மற்றும் வேல்ஸ் கிரிக்கெட் வாரியம் வெளியிட்டுள்ளது.

இந்திய அணி 5 டி20 மற்றும் 3 ஒருநாள் போட்டிகளில் விளையாடவிருக்கிறது. ஜூலை 1 ஆம் தேதி தொடங்கும் இந்தத் தொடர் 19 ஆம் தேதி வரை நடைபெறவிருக்கிறது. இந்திய ஆடவர் அணியைத் தொடர்ந்து இந்திய மகளிரணியும் 3 டி20 போட்டிகள் மற்றும் ஒரேயொரு டெஸ்ட் போட்டியில் விளையாடுகிறது.

டி20 தொடருக்கான அட்டவணை

• முதலாவது டி20 போட்டி - துர்ஹாம் - ஜூலை 1

• 2-வது டி20 போட்டி - மான்செஸ்டர் - ஜூலை 4

• 3-வது டி20 போட்டி - நாட்டிங்காம் - ஜூலை 7

• 4-வது டி20 போட்டி - பிரிஸ்டல் - ஜூலை 9

• 5-வது டி20 போட்டி - சௌதாம்ப்டன் - ஜூலை 11

ஒருநாள் தொடருக்கான அட்டவணை

• முதலாவது ஒருநாள் போட்டி - பர்மிங்காம் - ஜூலை 14

• 2-வது ஒருநாள் போட்டி - கார்டிப் - ஜூலை 16

• 3-வது ஒருநாள் போட்டி - லார்ட்ஸ் - ஜூலை 19

மகளிரணி டி20 தொடருக்கான அட்டவணை

• முதலாவது டி20 போட்டி - செல்ஸ்போர்டு - மே 28

• 2-வது டி20 போட்டி - பிரிஸ்டல் - மே 30

• 3-வது டி20 போட்டி - டௌடன் - ஜூன் 2

ஒரேயொரு டெஸ்ட் போட்டி லார்ட்ஸ் மைதானத்தில் ஜூலை 10 ஆம் தேதி தொடங்கி 13 ஆம் தேதி வரை நடைபெறவிருக்கிறது.

இதையும் படிக்க : ஆசியக் கோப்பை: அமீரகத்தில் இந்தியா - பாகிஸ்தான் போட்டி!