ஆஸ்திரேலிய அணியின் வேகப்பந்து வீச்சாளர் பேட் கம்மின்ஸ் ஆண் குழந்தைக்குத் தந்தையாகியுள்ளார்.

கடந்த ஏப்ரல் மாதம் ஐபிஎல் போட்டி ஒத்திவைக்கப்பட்ட பிறகு வேறு எந்த கிரிக்கெட் ஆட்டத்திலும் ஆஸி. வீரர் கம்மின்ஸ் பங்கேற்கவில்லை. கொல்கத்தா அணியில் இடம்பெற்றிருந்த கம்மின்ஸ், ஐக்கிய அரபு அமீரகத்தில் நடைபெறும் ஐபிஎல் போட்டியிலும் பங்கேற்கவில்லை. 

பெக்கி பாஸ்டனைப் பல வருடங்களாகக் காதலித்து வருகிறார் கம்மின்ஸ். கடந்த ஏப்ரல் மாதம், விரைவில் குழந்தை பிறக்கவிருக்கும் தகவலைத் தெரிவித்தார் பெக்கி பாஸ்டன். இந்நிலையில் ஆண் குழந்தைக்குத் தந்தையாகியுள்ளார் கம்மின்ஸ். இதுதொடர்பாக விடியோ வெளியிட்டு தன்னுடைய சந்தோஷத்தை அவர் வெளிப்படுத்தியுள்ளார். அக்டோபர் 8 அன்று பிறந்த குழந்தைக்கு அல்பி பாஸ்டன் கம்மின்ஸ் எனப் பெயரிடப்பட்டுள்ளது. 

குழந்தையின் வரவுக்காக ஐபிஎல் போட்டியில் பங்கேற்காத கம்மின்ஸ், தற்போது உலகக் கோப்பைப் போட்டியில் பங்கேற்பதற்காக இன்று துபைக்குக் கிளம்பியுள்ளார்.