டி20 கிரிக்கெட்டில் 250 விக்கெட்டுகளை வீழ்த்திய டெல்லி கேபிடல்ஸ் வீரர் ரவிச்சந்திரன் அஸ்வின் புதிய சாதனையைப் படைத்துள்ளார்.

14-வது ஐபிஎல் சீசனின் இன்றைய (சனிக்கிழமை) முதல் ஆட்டத்தில் டெல்லி கேபிடல்ஸ், ராஜஸ்தான் ராயல்ஸ் அணிகள் விளையாடின. இதில் முதல் பேட்டிங் செய்த டெல்லி அணி நிர்ணயிக்கப்பட்ட 20 ஓவர்களில் 6 விக்கெட்டுகள் இழப்புக்கு 154 ரன்கள் எடுத்தது. 155 ரன்கள் எடுத்தால் வெற்றி இலக்குடன் களமிறங்கிய ராஜஸ்தான் அணி நிர்ணயிக்கப்பட்ட 20 ஓவர்களில் 6 விக்கெட்டுகள் இழப்புக்கு 121 ரன்கள் மட்டுமே எடுத்து 33 ரன்கள் வித்தியாசத்தில் தோல்வியடைந்தது. 

இந்த ஆட்டத்தில் பவர் பிளேவின் 5-வது ஓவரை அஸ்வின் வீசினார். இதில் டேவிட் மில்லர் விக்கெட்டை வீழ்த்தி அஸ்வின் அசத்தினார். 

இதன்மூலம் டி20 கிரிக்கெட்டில் 250 விக்கெட்டுகள் என்ற புதிய சாதனையை அவர் படைத்தார்.