டி20 உலகக் கோப்பை: நடுவர்கள் பெயர்கள் அறிவிப்பு

டி20 உலகக் கோப்பைப் போட்டியில் பணியாற்றவுள்ள நடுவர்களின் பட்டியல் வெளியிடப்பட்டுள்ளது.

டி20 உலகக் கோப்பை - ஐக்கிய அரபு அமீரகம் மற்றும் ஓமனில் அக்டோபர் 17 முதல் நவம்பர் 14 வரை நடைபெறுகிறது. துபை, அபு தாபி, ஷார்ஜா, ஓமன் என நான்கு பகுதிகளில் டி20 உலகக் கோப்பை நடைபெறவுள்ளது. இந்தியாவில் நடத்தப்படவிருந்த டி20 உலகக் கோப்பை போட்டி, கரோனா சூழல் காரணமாக ஐக்கிய அரபு அமீரகத்துக்கு மாற்றப்பட்டுள்ளது. தகுதிச்சுற்று ஆட்டங்கள் முடிந்தபிறகு அதிலிருந்து தேர்வாகும் 4 அணிகள், ஏற்கெனவே தேர்வான 8 அணிகளுடன் இணைந்து பிரதான சுற்றில் அக்டோபர் 23 முதல் போட்டியிடவுள்ளன. 

இந்நிலையில் டி20 உலகக் கோப்பைப் போட்டியில் பணியாற்றவுள்ள நடுவர்களின் பட்டியல் இன்று வெளியிடப்பட்டுள்ளது.

ஆட்ட நடுவர்கள்: டேவிட் பூன், ஜெஃப் குரோவ், ரஞ்சன் மடுகலே, ஜகவல் ஸ்ரீநாத்

கள நடுவர்கள்: கிறிஸ் பிரெளன், அலீம் டர், குமார் தர்மசேனா, மரைஸ் எராஸ்மஸ், கிறிஸ் கஃபானி, மைக்கேல் கெள, அட்ரியன் ஹோல்ட்ஸ்டாக், ரிச்சர்ட் இல்லிங்வொர்த், ரிச்சர்ட் கெட்டில்பரோ, நிதின் மேனன், ஆஹ்சன் ராஸா, பால் ரீஃபில், லேங்டன் ருசர், ராட் டக்கர், ஜோயல் வில்சன், பால் வில்சன்.