2022 சையத் முஷ்டாக் அலி கோப்பை டி20 போட்டியில் தமிழக அணிக்கு முதல் வெற்றி கிடைத்துள்ளது.

முதல் ஆட்டத்தில் சத்தீஸ்கரிடம் தோற்ற தமிழக அணி, 2-வது ஆட்டத்தில் ஒடிஷாவை எதிர்கொண்டது. லக்னெளவில் நடைபெற்ற ஆட்டத்தில் முதலில் பேட்டிங் செய்த ஒடிஷா அணி, 20 ஓவர்களில் 3 விக்கெட் இழப்புக்கு 141 ரன்கள் எடுத்தது. சுப்ரான்ஷு 65 ரன்கள் எடுத்தார். நடராஜன் 2 விக்கெட்டுகளையும் வாஷிங்டன் 1 விக்கெட்டையும் எடுத்தார்கள்.

தமிழக அணி, 18.5 ஓவர்களில் 5 விக்கெட் இழப்புக்கு 143 ரன்கள் எடுத்து வெற்றி பெற்றது. கேப்டன் பாபா அபரஜித் 42 பந்துகளில் 63 ரன்கள் எடுத்து ஆட்டமிழக்காமல் இருந்தார்.