லண்டனில் நடைபெறும் 2வது ஆஷஸ் போட்டியில் முதலில் பேட் செய்த ஆஸ்திரேலியா முதல் இன்னிங்ஸில் 416 ரன்களுக்கு ஆட்டமிழக்க, அடுத்து இங்கிலாந்து தனது முதல் இன்னிங்ஸில் 325 ரன்களுக்கு ஆல்-அவுட் ஆனது. இதையடுத்து 2-ஆவது இன்னிங்ஸை தொடங்கிய ஆஸ்திரேலியா 279 ரன்களுக்கு ஆட்டமிழந்தது. 

4வது நாள் முடிவில் இங்கிலாந்து 114/4 ரன்கள் எடுத்தது. இதில் மிட்செல் ஸ்டாா்க், கம்மின்ஸ் தலா 2 விக்கெட்டுகளை எடுத்தனர். இந்த விக்கெட்டின் மூலம் ஸ்டார்க் டெஸ்ட் போட்டிகளில் புதிய சாதனையை நிகழ்த்தியுள்ளார். 

இதையும் படிக்க: மஞ்சள் நிற ஜெர்ஸியில் வந்து விடாதீர்கள்: சிஎஸ்கே ரசிகர்களுக்கு தினேஷ் கார்த்திக் வேண்டுகோள்!

ஆஸ்திரேலியாவிற்காக டெஸ்ட் போட்டிகளில் அதிக விக்கெட்டுகள் (315)எடுத்த இடது கை பந்து வீச்ச்சாளர் என்ற சாதனையை படைத்துள்ளார். மிட்செல் ஜான்சன் 313 விக்கெட்டுகளுடன் இந்தப் பட்டியலில் 2வது இடத்தில் உள்ளார். 

இதையும் படிக்க: இந்த மூன்று அணிகளால் இறுதியில் டெஸ்ட் கிரிக்கெட் அழிந்துவிடும்: கிறிஸ் கெயில்

மேலும் டெஸ்ட் போட்டிகளில் அதிக விக்கெட்டுகள் எடுத்த ஆஸ்திரேலிய வீரர்கள் பட்டியலில் ஸ்டார்க் 5வது இடத்திற்கு முன்னேறியுள்ளார். ஷேன் வார்னே 708 விக்கெட்டுகளுடன் முதலிடத்தில் இருக்கிறார். க்ளென் மெக்ராத் 563 விக்கெட்டுகளுடன் இரண்டாமிடமும் லயன் 496 விக்கெட்டுகளுடன் மூன்றாமிடத்திலும் இருக்கிறார் என்பது குறிப்பிடத்தக்கது.