உலகக் கோப்பையில் ஆஸ்திரேலிய வீரர் மிட்செல் ஸ்டார்க் சாதனையை இந்திய வீரர் முகமது ஷமி சமன்செய்துள்ளார். 

உலகக் கோப்பை கிரிக்கெட்டின் 29-ஆவது ஆட்டத்தில் இந்தியா 100 ரன்கள் வித்தியாசத்தில் நடப்பு சாம்பியனான இங்கிலாந்தை ஞாயிற்றுக்கிழமை வீழ்த்தியது. இந்திய பௌலிங்கில் முகமது ஷமி 4, ஜஸ்பிரீத் பும்ரா 3, குல்தீப் யாதவ் 2, ரவீந்திர ஜடேஜா 1 என விக்கெட்டுகளை எடுத்தார்கள்.

இதையும் படிக்க: 100வது போட்டியில் ரஷித் கான்! 

உலகக் கோப்பை கிரிக்கெட்டில் 6 முறை 4 விக்கெட்டுகளை எடுத்து அசத்தியுள்ளார் முகமது ஷமி. இதற்குமுன்பாக ஆஸ்திரேலிய வீரர் மிட்செல் ஸ்டார்க் எடுத்துள்ளது குறிப்பிடத்தக்கது. 

இதையும் படிக்க: உலகக் கோப்பையில் புதிய சாதனை படைத்த இந்திய அணி!

இந்த உலகக் கோப்பையில் தொடர்ச்சியாக விளையாட வாய்ப்பில்லாமல் இருந்தாலும் விளையாடும் போட்டிகளில் சிறப்பாக பந்து வீசுகிறார் ஷமி. 13 இன்னிங்ஸில் 6 முறை 4 விக்கெட்டுகளை அடுத்து அசத்திய ஷமிக்கு இந்த உலகக் கோப்பையில் இதுவரை 9 விக்கெட்டுகள் எடுத்துள்ளதும் குறிப்பிடத்தக்கது. 

இந்தச் சாதனையை முன்னிட்டு ஐசிசி நிர்வாகம் ஷமிக்கு புதிய போஸ்டரினை வெளியிட்டுள்ளது. இதில் ஸ்டார்க், ஷமி இருக்கும் புகைப்படத்துடன் உலகக் கோப்பையில் அதிகம் முறை 4 விக்கெட்டுகளை எடுத்தவர்கள் என்ற வாசகமும் இடம் பெற்றுள்ளது.