அம்பானி இல்லத் திருமண விழாவில் எம்.எஸ்.தோனியுடன் எடுத்துக் கொண்ட புகைப்படத்தை தெலுங்கு சூப்பர் ஸ்டார் மகேஷ் பாபு வெளியிட்டுள்ளார்.

அம்பானி இல்லத் திருமண விழா மும்பையில் நேற்று முன் தினம் (ஜூலை 12) நடைபெற்றது. இந்த நிகழ்வில் திரைத் துறை பிரபலங்கள், விளையாட்டு வீரர்கள், அரசியல் தலைவர்கள் மற்றும் பல்வேறு முக்கியப் பிரமுகர்கள் பலரும் கலந்து கொண்டனர்.

அம்பானியின் இந்த இல்லத் திருமண நிகழ்வில் கலந்து கொண்ட தெலுங்கு சூப்பர் ஸ்டார் மகேஷ் பாபு, இந்திய அணியின் முன்னாள் கேப்டன் மகேந்திர சிங் தோனியுடன் புகைப்படம் எடுத்துக் கொண்டுள்ளார். அந்தப் புகைப்படத்தை அவர் தனது இன்ஸ்டாகிராம் பக்கத்தில் பகிர்ந்துள்ளார். எம்.எஸ்.தோனியுடன் இணைந்து அவர் எடுத்துக்கொண்ட அந்த புகைப்படம் தற்போது இணையத்தில் வேகமாக பகிரப்பட்டு வருகிறது.