2-வது டி20: அயர்லாந்து பேட்டிங்; தொடரைக் கைப்பற்றுமா?

அயர்லாந்து மற்றும் பாகிஸ்தான் அணிகளுக்கு இடையிலான 2-வது டி20 போட்டியில் டாஸ் வென்ற பாகிஸ்தான் பந்துவீச்சைத் தேர்வு செய்துள்ளது.

பாகிஸ்தான் அணி அயர்லாந்தில் சுற்றுப்பயணம் மேற்கொண்டு 3 போட்டிகள் கொண்ட டி20 தொடரில் விளையாடி வருகிறது. இரு அணிகளுக்கும் இடையிலான முதல் போட்டியில் அயர்லாந்து அணி 5 விக்கெட்டுகள் வித்தியாசத்தில் வெற்றி பெற்ற நிலையில், இன்று இரண்டாவது போட்டி நடைபெறுகிறது.

இந்தப் போட்டியில் டாஸ் வென்ற பாகிஸ்தான் பந்துவீச்சைத் தேர்வு செய்துள்ளது. இதனையடுத்து, அயர்லாந்து முதலில் பேட் செய்கிறது.

3 போட்டிகள் கொண்ட தொடரில் முதல் போட்டியில் வெற்றி பெற்றதால், இன்றையப் போட்டியில் வெற்றி பெற்று தொடரைக் கைப்பற்றும் முனைப்போடு அயர்லாந்து அணியும், தொடர் இழப்பை தடுக்கும் முனைப்போடு பாகிஸ்தான் அணியும் விளையாடி வருகின்றன.