ஆசிய ஹாக்கி சாம்பியன்ஸ் டிராபி: இறுதிப்போட்டியில் இந்தியா!

ஆசிய ஹாக்கி சாம்பியன்ஸ் டிராபி இறுதிப்போட்டிக்கு இந்திய அணி முன்னேறியுள்ளது.

ஆசிய ஹாக்கி சாம்பியன்ஸ் டிராபி சீனாவில் நடைபெற்று வருகிறது. அதில் இன்று நடைபெற்ற அரையிறுதிப் போட்டியில் இந்தியா மற்றும் கொரியா அணிகள் மோதின.

இந்தப் போட்டியில் இந்திய அணி 4-1 என்ற கோல் கணக்கில் கொரியாவை வீழ்த்தி இறுதிப்போட்டிக்கு முன்னேறியுள்ளது.

நடப்பு சாம்பியனான இந்திய அணி நாளை (செப்டம்பர் 17) நடைபெறும் இறுதிப்போட்டியில் சீனாவை எதிர்த்து விளையாடவுள்ளது குறிப்பிடத்தக்கது.