முதல்வர் வேட்பாளராக எடப்பாடி பழனிசாமியை ஏற்கிறோம் என்று பாஜக மாநிலத் துணைத்தலைவர் வி.பி.துரைசாமி தெரிவித்துள்ளார். 

அதிமுக முதல்வர் வேட்பாளராக எடப்பாடி கே.பழனிசாமி அறிவிக்கப்பட்டுள்ளார். இதற்கான அறிவிப்பை கட்சியின் ஒருங்கிணைப்பாளரும், துணை முதல்வருமான ஓ.பன்னீர்செல்வம் புதன்கிழமை வெளியிட்டார். இதன்மூலம் அதிமுக கட்சிக்குள் கடந்த சில தினங்களாக நிலவி வந்த முதல்வர் வேட்பாளருக்கான குழப்பத்துக்கு முற்றுப்புள்ளி வைக்கப்பட்டது.

இந்த நிலையில் முதல்வர் வேட்பாளராக எடப்பாடி பழனிசாமியை ஏற்கிறோம் என்று பாஜக மாநிலத் துணைத்தலைவர் வி.பி.துரைசாமி தெரிவித்துள்ளார். இதுகுறித்து அவர் சென்னையில் செய்தியாளர்களுக்கு அளித்த பேட்டியில், அதிமுக கூட்டணி முதல்வர் வேட்பாளராக எடப்பாடி பழனிசாமியை ஏற்கிறோம். எங்கள் கூட்டணியில் கட்சிகள் மாறும் நிலை இல்லை.

தெற்குதிட்டை ஊராட்சி மன்றத் தலைவர் அவமதிக்கப்பட்டதை பாஜக வன்மையாக கண்டிக்கிறது என்றார்.